【感人告白】高海寧:無論行去邊你都會喺我身邊,拖住我隻手一齊行

    無綫花旦高海寧(高Ling)出名係孝順女,不過因為工作關係,佢哋都冇太多時間陪伴家人,所以就趁住父親節呢個節日,喺鏡頭前講出對爸爸嘅心底話以表孝心,高Ling仲講到眼泛淚光,非常感人!

    「宅男女神」高Ling同家人關係好好,有咩都會同家人分享。向來有自己諗法嘅高Ling,坦言有時為堅持己見而會同爸爸頂撞,甚至鬧交,有次仲差啲激到爸爸喊!不過,原來高Ling同爸爸之間有個小秘密,就係當嗌交過後,佢會寫信向爸爸講出心裏真正嘅諗法,而爸爸亦會回信並攝入門隙,呢個係高Ling兩父女之間嘅獨特溝通方式。
    講到眼濕濕

    問到想同爸爸講嘅心底話時,佢眼濕濕話:「其實有好多嘢我知你係為咗我好,但有時人喺後生時,總係好想試吓用自己方法行自己條路,可能未必啱,但我好多謝你,無論行去邊,你都會喺我身邊,拖住我隻手一齊行,我知道係你對我嘅付出,父親節快樂。」唔少網民大讚有主見又有孝心嘅高Ling「Girlfriendable」,仲話呢種女仔買少見少!

    高海寧社交網

     

     

    (on.cc)

    SHARE