今日係父親節，唔少人為表孝心都紛紛出動同爸爸相聚飯局，共享天倫，就連藝人王君馨都一樣，一早就孖住老公同爸爸去食父親節飯，點知就不幸遇上車禍，佢同老公仲搞到要Call白車添！
佢就喺社交網圖文並茂轉述事件，原本佢哋齊齊去銅鑼灣食飯，點知喺高速公路時佢哋架的士忽然剎車，雖然冇撞到前面架車，不過就唔好彩畀隨後嘅車輛撞倒，君馨自己胸部、頸部同背脊有少少Chok親，而老公個頸同埋頭有少少chok親。
之後二人落車畀口供，再上埋救護車：「一個鐘頭內，睇咗醫生寫咗報告，落咗口供，攞咗消炎藥同藥膏離開。醫生話骨同埋神經線冇事，應該係拉傷肌肉，休息幾日應該冇事，感謝神！多謝所有警察哥哥，救護人員同埋醫生護士的照顧，令我哋每一刻都可以放心。A bit shaken by everything that just happened, but feeling safe and happy to be alive.（有啲嚇親，不過依家覺得好安心同埋慶幸仍然活着。）」而君馨亦表示餐飯最後告吹咗，惟有下次先同爸爸再食過。
真係上晒白車！
不過君馨都仲有自拍，同大家報平安。
(on.cc)
