雖貴為兩子之母兼做埋嫲嫲，不過美貌依然十年如一，49歲嘅真真仲有「最索嫲嫲」之稱添！已故歌唱名師戴思聰嘅長女戴蘊慧（真真）自從1997與前夫謝順來離婚後，感情事都非常低調。
與楊思琦合照
但係今日真真喺網上晒出一張「結婚照」宣布喜訊，並留言：「我結婚喇！」雖然相片有啲似用P圖App嘅效果，與神秘男子合照，感覺非常日系風，極其唯美，唔少網民見到帖文都非常驚訝，不過都紛紛送上祝福，而真真亦有回覆網民表示感謝大家嘅祝福！
到底神秘男係邊個？呢張又係咪「婚照」？
不過事後真真回覆東網指其實只係開個玩笑啫，並唔係要結婚：「唔係㗎，我用自己相同日本型男竹野內豐相，再p圖App砌成結婚相玩吓咋。」
唔知佢幾時再有真．好消息公布呢？
（on.cc）
