樂壇天后容祖兒與劉浩龍（師兄）被爆早於去年底已醞釀分手，五年情斬纜一說甚囂塵上，不過二人一直未有承認分手，就連師兄開騷祖兒都儼如「女主人」到場支持，上月又孖住為黃偉文慶生，令二人似斷未斷嘅5年情更加撲朔迷離。
上月孖住為黃偉文慶生
祖兒（前排左一）同師兄（綠衫戴太陽眼鏡）到底係咩關係呢……
有酒有Cake，正！
彭秀慧（右）都有上載同祖兒合照。
到咗祖兒38歲生日，咁重要嘅日子當然要同重要嘅人一齊過！原來祖兒尋日同大班Friend開船P，出席好友包括好姊妹蔡卓妍（阿Sa）、鄭希怡、謝霆鋒、彭秀慧等，認真一睇，原來師兄都有份現身！大合照時佢就同祖兒分開坐，反而選擇同霆鋒阿Sa黐到實，不過見佢都一臉風騷擘口擺POSE，繼續融入祖兒嘅朋友堆之中，隔開坐嘅祖兒都勁興奮，真係估佢哋唔到！
而阿Sa亦都帶埋男友石恆聰一齊現身，雖然未有親密合照，但係都Feel到佢哋夠晒甜蜜。
(on.cc)
