眾所周知無綫花旦黃心穎對上有三個家姐，父親為名中醫師黃沛霖，從小跟隨母親移民溫哥華，僅留下父親一人在港行醫，努力賺錢給家人過最好的生活，她謂：「我爸爸好偉大，一個養四個女同老婆，我哋仲要唔係特別慳家，爸爸只係每年過嚟一、兩次探我哋，所以我成長時期有十幾年冇同爸爸一齊住。」
小時候，估到哪個是黃心穎嗎？
四姐妹個個都靚爆鏡!
雖然錯過了心穎的成長期，但在她眼中，父親是一名民間超級英雄，行醫多年成功為不少病人醫好病痛：「爸爸幫助好多人，個個當佢神醫咁，好多病人後來都同爸爸變成好朋友，真係好犀利。」
一家三口～
談到印象最深刻的一次，心穎指18歲時身在加國發生交通意外昏迷，當送到急症搶救時，家人急急致電黃父趕到醫院，但直至心穎昏迷數小時醒來後，但不見父親蹤影：「醒番見全家人都喺度，但淨係唔見爸爸，原來係爸爸收到消息之後好驚，手都震晒，驚我有咩事接受唔到，一路唔敢嚟醫院，後來知我醒番先嚟睇我，所以我覺得爸爸真係好錫我。」
心穎侍父至孝。
為補償成長期與父親的相處時間，心穎現時一有空便陪伴父親，即使僅得幾小時也照殺，至於今個父親節，心穎除了會相約父親及家人食飯慶祝，還決定買一部新電視機給父親作為禮物，她謂：「爸爸平時好慳，唔追求啲乜嘢，雖然我冇一個富爸爸，但心中已經好富有，舊年幾姊妹一齊夾錢買咗隻貴錶畀爸爸，今年呢…佢平時好鍾意睇我啲劇同節目，見佢電視壞咗就買部新嘅畀佢啦！」
而家雖然有男友馬國明錫，但心穎都不忘父母恩~
喺心穎眼中，爹哋就係佢嘅超級英雄。
（on.cc）
