日本男星木村拓哉同太太工藤靜香嘅15歲細女光希（Koki），宣佈入行做模特兒，成為日本版雜誌《ELLE》封面人物，以最強星二代姿態殺入娛樂圈。
靜香悉心舖路讓囡囡入行，其去年推出大碟《凜》便有三首作品由Koki作曲，更有傳其年底舉行嘅聖誕晚宴，會讓囡囡做特別嘉賓。不過有指木村卻對女兒入行唔太贊成，佢讓Koki入讀國際學校學好外語同音樂，都係想女兒有更好嘅發展，點知靜香卻唔理反對讓囡囡出道，木村同靜香亦因此鬧交陷入冷戰。
報道指木村悉心栽培囡囡，希望女兒有更好發展。
靜香安排二女入行，更想於年底嘅聖誕晚宴母女檔演出。
（apple daily）
