上月升呢做咗賴弘國（Michael）太太嘅鍾欣潼（阿嬌），仍然沉醉喺甜蜜新婚裏面，今日喺ig上載足版婚紗短片，留言：「特別鳴謝陳映之導演拔刀相助 #拍得好靚呀 #仲要多謝敏敏送我嘅婚紗。」之前好姐妹蔡卓妍（阿Sa）話過會同容祖兒夾錢戲婚紗給阿嬌，當時阿Sa話：「好想睇佢好靚咁出嫁。」
阿Sa話過會同容祖兒夾錢戲婚紗給阿嬌。(資料圖片)
原來，阿嬌呢件來自英國Jenny Packham嘅性感婚紗，並唔係阿Sa同祖祖合送，有心水清網民都留言：「婚紗唔係祖祖同sasa送咩？」、「祖祖同sasa送嗰條呢？」其實當日Twins出發到美國做騷，問到阿嬌收到祖祖同阿Sa送嘅婚紗未？當時阿嬌不肯多講，表示：「唔講喇！」阿Sa就話：「未呀！佢都未揀，未有呀！」
短片中嘅阿嬌同老公齊齊切結婚蛋糕，兩人又喺天台拍攝頭貼頭、鼻掂鼻嘅浪漫畫面，仲有送嫁嘅祖兒、阿Sa同鄭希怡攬着新娘子，阿嬌興奮拋高花球，甜蜜滿瀉。
(影片截圖)
(apple daily)
