28歲林芊妤(Coffee)今年5月被《蘋果》率先爆佢同拍拖三年多嘅37歲男友翟志榮入紙申請結婚，已經懷有身孕嘅Coffee，宣佈雙喜臨門。
陀B五個月嘅Coffee，預產期係10月尾，但Coffee依然未見肚，佢仲不時出埠旅行同繼續教瑜珈，之前Coffee就係ig貼過同未婚夫係崖邊影嘅婚紗相，當時都幾牙煙㗎，好彩有未婚夫全程旁實，今日Coffee就再貼婚照，今次雖然唔係喺崖邊影相，只係喺樹林影相，但係佢兩公婆依然做出一啲藝高人膽大嘅動作喎！
Coffee貼咗好多相，其中一張，翟志榮就將Coffee抱起，將懷有5個月身孕嘅coffee倒吊，真係幾危險㗎，但係Coffee就一啲都唔驚，仲係到大笑，真係藝高人膽大。
Coffee留言話：「以前經常穿婚紗去活動和拍照，而我對婚禮又沒什麼憧憬，所以本來連結婚相也不想影，但想留個念所以還是要拍，我們倆都當是例行公事，不夠半小時我們就覺得無聊了，只顧想着下午吃什麼好，像兩個小朋友去公園玩那樣，反而要感謝攝影師的堅持，令我們能順利完成拍攝，謝謝我Sis為我弄的花兒，很美」。
(蘋果日報)
