有人爆料指佢事實上早於去年底就同小鮮肉出雙入對，有指佢係呢幾年認識咗一啲圈外好友，呢個細佢16年嘅新歡就係圈外朋友介紹下認識，報道入面就話佢哋兩個越走越埋。。。
今年46歲嘅台灣金曲歌后彭佳慧，月初被台灣傳媒影到佢同一位猛男喺街頭十指緊扣同接吻。之後彭佳慧就係fb貼出佢同前夫王丕仁嘅手寫聯合聲明，指二人早於今年3月離婚。
今日台灣《蘋果》就將彭佳慧嘅小鮮肉新歡起底，小鮮肉名叫Ken Wu，今年只有30歲，比彭佳慧年輕16年。
於彭佳慧出軌報道刊出後，雖然彭佳慧同前夫發聲明，力證二人早已離婚，但就有人爆料指彭佳慧事實上早於去年底就同小鮮肉出雙入對，當時佢仲未同王丕仁離婚，今日台灣《蘋果》將小鮮肉起底，指小鮮肉英文名叫Ken Wu，有指佢同彭佳慧係呢幾年認識咗一啲圈外好友，呢個細佢16年嘅新歡就係圈外朋友介紹下認識，報道入面就話佢哋兩個越走越埋，而根據友人提供嘅相片，就見到Ken多次喺聚會出現，但就唔見到彭佳慧嘅前夫。
亦有人話，彭佳慧咁快要釐清同前夫關係，全因彭佳慧將於下月喺上海舉行巡迴演唱會，佢擔心會影響票房同形象，所以就即時發出聲明。
比彭佳慧年輕16年嘅Ken，其實係台灣餐飲業瓦城集團擔任主管，中文名字是吳英杰。據知Ken目前未婚，於員工眼中係一個精明幹練嘅主管。而彭佳慧嘅經理人公司對事件未有回應。
(蘋果日報)
