二月結婚，佢同老公到婦產科檢查，宣佈懷孕10周嘅消息，點知照超聲波時，醫生卻表示聽唔到BB嘅心跳聲，令佢崩潰爆喊。。。
將於下周二踏入43歲嘅韓片《我班Friend好搞嘢》女星咸素元，今年2月嫁拍拖1年、細佢18年嘅網紅男友陳華，兩人已登記結婚，預計於今年夏天補辦婚禮。咸素元近日孖住老公亮相韓國綜藝節目《妻子的味道》，大晒恩愛。
節目噚晚播出最新一集，內容講到咸素元與陳華返屋企探父母，陳華落力討好岳母，雖然兩人母子戀不被男方家人接受，但咸素元媽媽坦言：「儘管一開始唔理解，但佢(陳華)依家就好似屋企嘅細仔一樣，既然已經成為一家人，就好好生活喇。」
而節目尾段播出下集嘅預告，只見咸素元與老公到婦產科檢查，並公開咗咸素元懷孕10周嘅消息，點知照超聲波時，醫生卻表示聽唔到BB嘅心跳聲，令咸素元擔心到崩潰爆喊，唔知最後BB有冇事呢？
(蘋果日報)
