千億女友郭嘉文自從升呢做咗「楷女郎」，被超級富豪「小小超」李澤楷下旨確認：「We are fine」，最近郭嘉文喺社交網變得好活躍，頻頻高調上載新相，甚至連床照都貼埋，日前就喺ig晒半趴床、手托香腮嘅沉思相片，唔知係咪怕網民諗多咗，郭嘉文留言：「跟閨蜜在一起時間總是不夠用，感覺可以賴在床上整個下午。」
郭嘉文筆下嘅親親閨蜜，就係15年同屆選港姐，獲得友誼小姐嘅林凱恩，噚日郭嘉文又喺ig晒露臍相，仲有嘟嘴誘惑，原來佢又約咗林凱恩去街，林凱恩仲幫佢影咗幾張沙龍相，不過林凱恩就遲到。
郭嘉文留言：「只能說寶寶太厲害了，又或許是因為，妳眼裡有我@iris_lammm，#巧吧就原諒你#等是我的命。」
(蘋果日報)
