腹大便便的前港姐陳倩揚下午到九龍灣出席綠化活動。她透露離預產期仲有40天：「不過醫生話第3胎可能會早啲，我呢兩日執屋、周圍貼label（標籤）提醒老公，我去生嘅時候屋企有乜要做。我留咗兩位哥哥嘅衣物畀妹妹（腹中塊肉），已經清洗準備完喇，咁樣環保啲，我亦叫朋友唔好送咁多衫仔，小朋友好快唔啱着。」
原以為倩揚會封肚不再生，她卻笑說：「咁會照顧好3個小朋友先，但如果個天再畀我，我亦唔抗拒，我好享受將小朋友一張白紙開始，灌輸佢色彩人生同好嘅價值觀。」
問打算產後休息多久？她答：「唔好好耐，9月要返電台開咪喇，有嘢做好，照顧小朋友之餘好似有個break，毎人都唔會亂諗嘢。」
（on.cc東網）
