他出席好友黃智賢醫學美容中心開幕禮，而曹永廉、徐榮都齊齊到賀，三位父親圍在一起當然大談湊仔樂。而他現時與無綫由經理人合約轉為藝員合約，他坦言與公司合作愉快，不過覺得係時候轉變一下，試其他嘢。
曾拍過舊版《愛回家》
藝人張達倫謂：「我都喺無綫14年，而且依家有咗小朋友，要有啲抉擇，公司係栽培我嘅地方，但我想出外拍吓網劇同試吓拍電影，我係要不停郁嗰啲人，唔可以停嘅。（有小朋友先嚟外走？）依家努力搏殺，搵多啲錢令小朋友之後生活好啲、開心啲。」張達倫現時正拍攝劇集《白色強人》，之後就會傾出面的工作大計，與出面不同的人合作。
（on.cc）
