薛家燕今日娶新抱，二仔石耀庭（Jackson）同女友Zoe拉埋天窗，今早佢哋喺洲際酒店內，跟足傳統進行接新娘儀式。一對新人穿上中式裙褂同禮服，Jackson就同班兄弟團浩浩蕩蕩推住花轎，Jackson跟足傳統踢過花轎門，迎接新娘子Zoe。
一對新人好乖巧錫新奶奶，家燕姐笑得幾開心。
之後一對新人上咗酒店房同奶奶家燕姐及長輩斟茶，飲過新抱茶家燕姐笑到見牙唔見眼，一對新人仲好乖巧咁，齊齊錫家燕姐，o氹得家燕姐冧到呢！家燕姐話晒得一粒仔，而且係仔女中首次辦喜事，家燕姐唔止悉心打扮，載住翡翠鑽石首飾，而佢送俾新抱仔Zoe嘅金器都好重手，好似六子連環金豬牌，唔通家燕姐想佢生夠6個孫。至於一對極粗身嘅巨形龍鳳鈪，新娘子戴上手後，幾乎遮蓋佢半隻手同手腕，認真誇張。
Zoe戴住6仔金豬牌，同埋一對勁粗龍鳳鈪，非常誇張。
(apple daily)
