薛家燕姐口中「全球華人都知道」嘅開心事，佢二仔石耀庭(Jackson)今日結婚喇，恭喜晒！
今早Jackson嘅家姐石佑珊喺ig上載咗條上頭片段，應該係噚晚錄影嘅，見Jackson着住紅色睡衣坐喺鏡頭前，榮升奶奶嘅家燕姐亦一身紅色喜慶裙現身，見佢笑到四萬咁口話﹕「「現在開始同囝囝石耀霆上頭，好開慶多謝大姐夫Patrick幫手上頭。」大姐夫寄語耀霆「大個仔嘞」！跟住就講咗段好意頭說話﹕「一梳梳到尾，二梳白發齊眉，三梳兒孫滿地，四梳四條銀筍盡標齊。」家燕姐似乎開心過阿仔，露出慈母嘅笑容，拍手掌都特別大聲。
一對新人今晚將於洲際擺酒。(ig圖片)
早前有傳過大禮使過百萬。(ig圖片)
而石耀庭太太Zoe嘅姊妹團，今早亦係ig直擊接新娘嘅過程，片中見到新郎石耀庭同一班兄弟頭戴花飾扮「格格」，大玩嘴巴擴大器、行石春路、掌上壓等，新郎哥仲跪地向新娘子送上花球，真係玩到好癲！咁最後石耀庭當然成功接到新娘，晚上會喺洲際擺酒。
一班兄弟要抱起石耀庭答問題，睇落都幾重吓。(ig圖片)
兄弟仲要幫手做掌上壓。(ig圖片)
成功！
(apple daily)
