名媛楊張新悅（Nicola）與大女Lucy及二女Lily一同出席曲奇義賣慈善活動，腹大便便的Nicola透露一個月內就會分娩：「進入倒數階段，但未執晒嘢，因為之前打風，接三個女出出入入冇時間執嘢。（係咪出席埋呢個活動就要停工？）應該仲有一個，因為係之前已經接落，今日OK，又有好天氣。」問到兩位女兒有份整的曲奇餅是否送給丈夫作為父親節禮物？Nicola笑說：「冇諗過，放唔放到咁多日？或者送畀佢當提前慶祝啦。」
Nicola又表示：「原來啲曲奇唔易整，睇落好簡單但其實好難。」她又透露Lucy喜歡跳舞，Lily則喜歡烹飪：「放假佢兩個都會整早餐，炒吓蛋。一個九歲，一個七歲，都識整㗎喇，三歲嘅細女就未識，佢拎住唔整跌就已經好好。」
此外，講到分娩期間正值暑假，可有預早為女兒安排暑期活動？Nicola說：「我已經叫咗老公幫我帶晒佢哋三個走，我要好好坐月，老公一個帶三個OK㗎，佢唔一定係模範老公，但一定係模範爸爸。」她坦言佗這一胎自己年紀不輕，要更着重坐月：「自己頭三胎都唔係坐得好好，當時恃住自己後生，但呢一胎發現自己多咗白頭髮，啲牙齒都冇咁好，唔好睇我咁有魄力，我只係谷一下，返到屋企就要即刻瞓，不過我好乖，成日行路，練習吓啲肌肉。」
【想知道點坐月先好？】
***【絕對不能錯過】坐月十大益物 https://goo.gl/TWXnbm
***【要揀溫和唔刺激嘅 坐月更加要注重清潔！】https://goo.gl/7dEDLe
***【小心坐「錯」月】正確坐月知識你要知﹗https://goo.gl/USfcyw
(on.cc)
