藝人蕭正楠、林盛斌（Bob）、張振朗為無綫節目《美女廚房》錄影。三人每集都要品嘗「美食」，其中不乏未煮熟的食物，Bob笑言：「幾乎做完每集之後都會痾番一日，阿朗就試過痾三日。」張振朗則笑說：「第三集順咗，痾半日啫。」旁邊的蕭正楠亦表示：「就算食藥都幫唔到手。」
Bob續指並不是每集食物也未熟，也有好吃的，他說：「係第二集劉佩玥、JW做嘉賓煮得生啲，但又想試吓食，有啲吞咗都吐番出嚟，都預咗食完會有少少肚痛。」問到可覺得嘉賓為求出位，特登將食物煮不熟？蕭正楠說：「佢哋係需要喺限時裏面完成，睇佢哋點樣煮，熟唔熟我哋要切開先知。」Bob亦相信女藝人不是全心煮不熟食物，因為要獲得高分才能晉級。
蕭正楠被問到會否邀請女友黃翠如擔任嘉賓？他笑說：「費事畀大家見到佢嘅廚藝，何必呢？我一個人受就夠。不過其實佢煮嘢食都已經唔錯，大家都睇到好多女同事煮嘢食都離晒譜。」
黃翠如（資料圖片）
(ON.CC)
