於90年代因為同王晶合作無間不單被標籤成為「晶女郎」，甚至有傳佢哋發展地下情，不過女方只承認係好朋友嘅關係，直到97年，佢突然宣佈結束同王晶嘅關係，其後王晶亦承認同過邱淑貞（豆斗）拍拖。
邱淑貞喺《倚天屠龍記》小昭嘅造型。（劇照）
回復單身嘅邱淑貞，喺99年嫁咗俾I.T主席沈嘉偉，婚後生咗3個囡囡，過住幸福嘅家庭生活。本來大家已經各有各生活，一直都不往還，點知今日因為王晶喺微博嘅一句留言，俾網民勾起呢件事。
事緣係有一個有「B站邱淑貞」之稱女仔叫賴美雲，近排參加咗大陸節目《創造101》，其中一個造型同當年邱淑貞喺《倚天屠龍記》中飾演嘅小昭好相似。
最近有個大陸女仔賴美雲參加咗電視節目《創造101》。（微博圖片）
有網民拎咗佢哋嘅造可做對比，結果王晶火速衝出嚟，喺微博留言話：「醜成這樣，好意思說嗎？」
佢個造型，被質疑係抄邱淑貞。（微博圖片）
結果有網民留言覺得王晶小器，有人話：「大前輩真沒風度」、「有點過分了王晶」、「網友作圖干賴美雲何事」。
王晶狠批：「醜成這樣，好意思說嗎？」（微博圖片）
(apple daily)
