佢直言興奮，又表示感激太太：「今次見太太佗BB都比上次辛苦，都感激老婆！依家最擔心係驚唔知BB同家姐相唔相處得嚟，咁梗係希望佢哋兩個可以融洽相處，我哋One big happy family就最好喇！啱啱阿女一嚟到醫院，都話要抱細佬、錫細佬，依家睇都應該相處幾好。」
電影公司老闆黃百鳴仔仔黃子桓太太第二胎出世，母子平安，湊夠「好」字。黃子桓急不及待在社交網甫相，更透露B仔已改名黃希諾（Ethan Wong），乳名「芝士波」，體重6磅2安士。
再做爺爺嘅黃百鳴難掩興奮之情，回應東網指：「我男孫黃希諾昨晚出咗世，梗係好開心。我一仔一女，Edmond又一仔一女，一個『好』字，希望諾諾將來健康、開心、有自信成長。」
本身為吳千語經理人的黃子桓太太，亦回覆東網指：「多謝多謝！BB尋日（8日）出世，係開刀㗎。（再為人母心情如何？）當然好開心啦，一仔一女好圓滿，依家都好努力餵人奶。」
(on.cc東網)
