藝人胡杏兒出席電影首映，她透露有追看好姊妹胡定欣演出的無綫熱播劇《宮心計2深宮計》，亦恭喜該劇網上點擊報節，她笑指定欣私下收藏不少性感照，有意叫對方放上社交平台分享，更謂：「對上一次我哋影水着差唔多成3年前，我又生完，都有講要影好快啲影，咪等我肥番、佢哋個個瘦猛猛先影，希望約到啦！（又搵張敬軒做攝影師？）好提議，定欣都ok！」
談到8個月大的囝囝近日出牙仔，杏兒表示囝囝牙痕到不時咬她，她謂：「佢見肉就咬，真係好痕，好在佢食得瞓得，成22磅重，好在冇超磅（準備好再生？）都仲有啲工作喺手，要睇多幾個月先。（完工即開工造人？）目標之一啦！好多人話豬年生B好，希望啦！」睇嚟Brendan好快就可以做哥哥！
(on.cc東網)
