不過，外界就不太睇好，雖然佢同朋友透露打算2020公布婚訊及舉行豪華婚禮，但男方出名花fit，曾同不同女星拍拖，最後均是分手收場，會否做到老婆，就要睇。。。
25歲的日本女星剛力彩芽，今年4月被雜誌踢爆同著名時裝購物網Zozotown的42歲有米社長前澤友作拍拖，其後兩人大方認愛。搵到條大水喉的剛力更被踢爆已搬入豪宅過着富豪生活。
爆料雜誌《FRIDAY》於5月下旬晚上，拍到剛力同前澤乘坐高級房車到東京麻布十番一間超巿購物，當時下着雨，兩人上車落車都有司機拿傘遮雨及開車門。由於晚上客人甚少，兩人都沒有變裝避嫌，兩人購物時不時有講有笑，前澤負責拿購物籃，剛力就指指點點，有如少奶奶一樣。雜誌還八到剛力過往在神奈川縣同家人同住，但自從同前澤拍拖後，已搬到東京的超級豪宅居住，同前澤關係更加親密。
不過，外界對她能否做社長太太就不太睇好，雖然前澤同朋友透露打算2020公布婚訊及舉行豪華婚禮，但前澤出名花fit，曾同紗榮子及下京慶子拍拖，最後均是分手收場，剛力會否做到前澤的老婆，就要睇剛力有冇本事扼住男方。
(on.cc東網)
