於是令人聯想「被失蹤」此舉，是否與佢決定唔續約有關？其後佢接受傳媒訪問，佢話呢啲係公司嘅安排，佢都唔知係乜嘢原因，可能。。。
應屆港姐冠軍雷莊𠒇自從當選後，因為外貌同言論一直受到網民抨擊，負評如潮，早前雷莊𠒇出席活動，被問到卸任後嘅去向，佢直言卸任後想返加拿大：「選港姐嗰陣，講過想去荷李活發展，睇下有乜嘢機會，因為我覺得嗰邊需求中國演員，而且嗰邊生活冇咁辛苦。」
噚晚港姐又喺葵芳搞咗個招募活動，應屆嘅三甲港姐包括雷莊𠒇、何依婷、黃瑋琦同張寶欣出席之外，陳凱琳同麥明詩亦有份出席。不過喺今年嘅宣傳短片上，見到陳凱琳、邵佩詩、麥明詩同馮盈盈幾個冠軍級人馬外，唔見應屆冠軍雷莊𠒇，反而見到16年嘅亞軍劉穎鏇，於是令人聯想「被失蹤」此舉，是否與雷莊𠒇決定卸任後返加拿大有關？
其後雷莊𠒇接受傳媒訪問，佢話呢啲係公司嘅安排，佢都唔知係乜嘢原因，可能唔想佢太過忙，之後佢又講到卸任心情，佢話：「我已經開始唔捨得香港嘅人和事，不過諗到返咗加拿大，可以見到屋企人同男友已經覺得好開心。」
雷莊𠒇仲話：「我嘅意向係希望做動作演員，o依家不停練習詠春，我希望到時可以最佳狀態返去，為將來嘅工作做好準備。」
(蘋果日報)
