1995年港姐冠軍楊婉儀因被財務公司追數，被逼以后冠抵押！
一衆港姐到葵芳出席香港小姐公開招募活動。
講到她在台上謂選港姐後最難忘是可以與靚仔拍劇，她笑言非常仰慕苗僑偉（三哥）：「之前睇《使徒行者》時仲讀緊書，冇諗過之後竟然同佢合作拍《使徒行者2》，以前冇諗過做嘅嘢竟然可以做，細個冇妄想過會同佢拍嘢，估唔到原來自己都有今日。」問到可還想跟哪個靚仔合作？她笑言想與古天樂及彭于晏合作：「可能有一日做到彭于晏阿媽都好，過30年後好難講。」
古天樂及彭于晏 （資料圖片）
問到為了跟他們合作願意付出甚麼代價？前港姐冠軍麥明詩（Louisa）笑言：「后冠，即係可以將最珍貴嘅嘢攞出嚟。（你個后冠幾多錢？）參考番公司宣傳，應該就係400萬。」
有十優港姐之稱的港姐麥明詩
問到可會賣其后冠？她表示：「又唔係話真係諗過，但如果我家徒四壁或突然有意外，有必要嘅話都可能有需要，但盡量都唔會，會努力工作賺錢。」
（on.cc）
