早前傳王浩信同YoYo(陳自瑤)捱唔過「七年之癢」，又有指王浩信日前承諾買獨立屋俾老婆，點知轉頭就以3306.6萬元購入清水灣傲瀧11座高層B單位送俾媽咪。
事前老婆YoYo毫不知情，令YoYo死心，主動提出離婚，無論愛跟被愛係唔係真係冇自由，感動過係唔係真係更難受?
今日有周刊指王浩信近年信基督教，開始學識放下，明白要活在當下，面對愛情，佢會接受好同壞嘅情況，佢喺報道中強調婚姻關係冇任何改變，以後唔會再多講，佢認為婚姻係會有困境，要學習同汲取教訓，認為珍惜身邊本來擁有嘅嘢已經好快樂，因為係無價。未知佢口中嘅「無價」係唔係講緊YoYo呢!?
(蘋果日報)
