藝人周永恒（Roy）和女友陳薇（Britni）的擬結婚通知書曝光後，即引起網民熱議，不斷翻Loop Roy大堆負面新聞包括有「小三」搞到妻離女散等，最經典的是他曾高聲疾呼自認「人渣」！
雖然是非多多，但Britni明顯對Roy情深不二，在凌晨時分在社交網分享婚照，表明心迹要做Roy背後的女人！
在相中站在Roy身後的Britni，留言：「可能我揀咗一條最艱辛嘅路，但無論如何我都會係（喺）你身邊支持你，陪住你行落去。」
明顯Britni有見Roy雖則負評多多，但因為愛情，仍堅持和Roy同甘共苦。噢！愛情，真偉大！This is love,Roy！
Britni接受東網訪問，她透過短訊挺身撐未婚夫說:「我確實係覺得呢幾年嘅報導對佢（Roy）嚟講太沉重喇，佢都真係因為曾經嘅錯誤斷送咗自己前途，一個咁有才華，咁鍾意音樂嘅人，依家先34歲……其實我同佢相處咗一段時間，好了解佢為人，佢唔係咁壞囉，其實係咪唔好將一個人曾經嘅錯誤繼續放大同標籤繼續打擊佢呢？畢竟佢真係有改變咗好多，成年人嘅問題有時真係兩個人先知，放過佢，畀多啲空間佢啦。」
陳薇又說其實完全唔想公布婚訊，不過既然大家都知道，就勇敢面對，所以其他唔再講啦。
(on.cc東網)
