天后陳慧琳（Kelly）相隔兩年再派歌，她今日到電台宣傳兩首新歌《Be With You》及《花見小路》。問到有否計劃出碟？Kelly指：「依家都係得8首歌，有廣東話又有國語，睇反應先，依家每一個月就會出一首歌。」又自嘲拍攝《花》MV時拗柴，幸好現已康復了很多。
問到係咪因為成日都要叫住兩個仔仔，依家高音咗？她笑話「無錯」：「開咗個高音位，開咗8年聲。（湊仔好勞氣？）都唔係嘅，係習慣咗。」之後會同仔仔合唱？Kelly透露是遲早的事，不過細仔「小龍包」比大仔「蝦餃仔」更鍾意唱歌，又無奈話：「有畀新歌佢哋聽，但聽咗一陣就走咗去，因為都唔係卡通歌。」
Kelly表示推出新歌後，工作便接踵而來，但她竟矇查查於細仔的幼稚園畢業大日子安排了工作，：「但內地節目冇得調。（咁細仔會唔會因為媽咪去唔到畢業禮而唔開心？）有Daddy同哥哥就得啦，哥哥係佢偶像嚟排第一，我唔係佢偶像，排第二咋！因為哥哥會同佢一齊打機，咁我唔識。」她又透露為了暑假同仔仔去英國旅行，順便慶祝大仔生日，不惜將新歌發布會押後至8月尾舉行。
(on.cc)
