育有3女1仔嘅藝人林盛斌（Bob），一家熱熱鬧鬧，經常成爲傳媒焦點，早排細仔林道申（Jaye）濕疹頗爲嚴重，引起各人注意。
大女霏兒今日10歲生日，搞到阿Bob都有啲感慨。
喺社交網上載一張同霏兒錫錫嘅相，留言話：「霏霏，過埋今日，爸爸唔再錫你咀咀嘞！」咁霏霏唔明就反問爸爸：「點解呀？」阿Bob解釋畀佢聽：「你10歲嘞，大個女啦！」霏兒亦好懂性咁話：「咁錫埋最後呢啖啦！」最後阿Bob好感慨咁話：「時間，真係過得好快。」
Bob老婆亦有上載大女霏兒生日會嘅相，除咗全家福外，仲睇到霏兒吹蠟燭添，唔知霏兒有咩生日願望呢？
（on.cc）
