藝人楊采妮（Charlie）2013年與圈外男友邱韶智結婚，2017年誕下雙胞男胎Ignatius同Aloysius，真係好幸福呀！
身為母親嘅Charlie明白身教嘅重要，所以就同老公邱韶智帶咗現時一歲大嘅孖仔，去咗馬來西亞探訪一個慈善中心。
此行，楊采妮嘅好友李心潔都有帶埋一對孖仔彭濟雲、彭子然去中心，結果兩對孖仔喺現場玩得不亦樂乎，楊采妮留言表示：「一直很想帶小孖寶去馬來西亞的中心和孩子們見面，一直很想讓四位寶貝們多點機會一起相處、交流。看到寶貝們可以乖乖的跟著（着）兩位哥哥小濟雲，小子然一起吃飯、一起坐車車。」
而5月生日嘅Charlie更獲心潔送上生日蛋糕為佢慶祝，令Charlie驚喜萬分，佢留言表示：「我萬萬沒想到乾媽心潔突然拿出一個蛋糕，一看蛋糕上的字，我便迅（瞬）間從感動變為爆笑。」有咩搞到Charlie要爆笑？原來蛋糕上寫住「Happy Birthday to 楊女神」呀！
(on.cc東網)
