承認兩個月前主動提出分手，佢話：「雖然拍咗拖7年，但唔會唔捨得，我哋經歷好多，呢七年好重要，但每段感情未必要有結果。。。」
網絡紅人「火雞姐」丁可欣（Yanki）為新歌《So What》到電台宣傳，她表示今次參予了很多歌曲的前期製作過程，憑歌寄意，帶出好想做的事情要敢於去做的訊息。雖然好緊張歌曲出來的反應，MV點擊如何，是否有很多人聽，但最開心的是收到歌迷聽後增添了推動力的消息。
火雞姐原本有一位穩定男朋友王顯聰(阿聰)，仲不時公開放閃，但Yanki承認兩個月前主動提出分手，佢話：「原因係各自人生有唔同嘅步伐要行，所以我想分開結束呢段關係，大家都係keep住做朋友，雖然拍咗拖7年，但唔會唔捨得，我哋經歷好多，呢七年好重要，但每段感情未必要有結果，唔一定有結果先叫有意義。」
咁係咪有第三者或為工作？Yanki否認話：「冇，亦都唔係為咗工作，只係想將專注力放喺自己身上，如果為工作兩年前就已經放棄咗感情啦，雙方都覺得可惜，大家屋企人都掛住大家，但係自己大個女想要啲乜自己好清楚。」
火雞姐丁可欣為狄易達師妹，亦曾經為郭富城演唱會擔任dancer。
王顯聰與Heidi曾在《微交少女》中飾演情侶，又拍過翁子光執導的《踏血尋梅》，與影帝郭富城對戲。這位影壇初哥還拍過《浮華宴》及《有客到》等電影。
（蘋果日報/on.cc東網）
