藝人林子善今年4月與女友Kary結婚，場面超熱鬧！人緣極好的林子善獲多位無綫同事到場祝福！
林子善與老婆Kary
當時兄弟團超搶眼，很多鐡馬兄弟呀！最搶眼當然是唯一女將唐詩詠啦！
當晚熱鬧過台慶！
曾自爆跟Kary婚前一度分手的他，被傳在這段真空期力追一名圈中女藝人，更不斷Send肉麻短訊和錄音予對方，跟該名女藝人拍拖後，子善更帶她見一眾兄弟。
據知二人拍拖個多月後，子善覺得大家性格不合，加上好友唐詩詠當時勸告他要珍惜Kary，最終子善浪子回頭與Kary復合。
對於有關的傳聞，以及短訊和錄音流出，子善表現輕鬆回應記者：「呢個女仔喺我同老婆分開期間出現，但只係一齊咗好短時間，因為真係覺得大家唔啱，過咗一段時間我就搵番我老婆，可以100%話畀大家知，唔係第三者嚟嘅，佢絕對冇咁嘅能力變成第三者，至於嗰啲情慾短訊，大家識我嘅人都知我成日亂噏啦，根本嗰一句就係電影對白嚟嘅，係有出現過呢啲嘢嘅，但係唔啱咪趁早去解決咗件事，好過拖泥帶水。你話對方（女藝人）機心係咩我就唔清楚喇，但我就唔會公開呢個女仔嘅身分，因為我唔想傷害到佢，佢始終都未嫁人，仲係單身，喺我角度做唔到情侶都唔使做仇人，男女之間感情事唔使搞到咁複雜！」
林子善社交網
子善更指兩日後會同老婆去日本補度蜜月，指他們的婚姻關係堅固不會因這種小事出現問題。更指與老婆都思想成熟，而且有共識，不覺得分手後有另一段感情有任何問題。而子善於凌晨在社交網亦交代此事，強調沒有影響他跟太太Kary的心情。
(on.cc)
