郭富城老婆方媛（Moka）曾被網民質疑係人工美女，噚日城嫂喺社交網自爆一直喺面上「動手腳」，佢貼咗一張半邊面嘅大頭相片，寫道：「畫了一個全妝，眼妝化的可還行。」
本來係炫耀化妝技巧嘅城嫂，怎知被眼利網民發現大秘密，留言問：「我怎麼記得你沒有痣啊？」
之前面上美白無瑕嘅Moka，左頰忽然多咗一粒銷魂痣，甚至有網民估係咪畫上去呢？怎知城嫂卻留言自爆：「之前遮了」！揭破了自己左邊面頰中間，原來有粒小痣嘅秘密，其他網民都留言表示：「有痣更好看」又讚佢皮膚好，甚至叫城嫂下次晒全面相，城嫂亦回覆：「好。」
（蘋果日報）
