真係超可愛啊～恭喜正式榮升爸爸媽媽！爸爸就話佢感動到喊，媽媽睇落精神都唔錯～同BB一樣健健康康！你哋覺得BB似媽媽定爸爸呢？
韓國樂隊FT Island嘅25歲成員崔敏煥，今年1月宣佈跟女團LABOUM嘅20歲前成員律喜婚訊，隨後崔敏煥宣佈做爸爸嘅消息，自爆BB胎名叫「贊兒」，而崔敏煥及律喜早前亦已經登記結婚。
今日崔敏煥方面傳來好消息，表示律喜日前平安誕下兒子，二人榮升父母，目前律喜跟BB都非常健康，崔敏煥亦正悉心照顧老婆，而FT Island成員亦因為「姪仔」平安出世而非常開心。
隨後崔敏煥於Instagram公開跟老婆及囝囝嘅合照，留言指囝囝於18日出世，當日佢感動到喊，同時感謝大家嘅祝福。而崔敏煥跟律喜嘅婚禮，會於律喜調理完身體後、於10月19日舉行。
(蘋果日報)
