去年因髮型師丈夫偷食以致離婚收場，結束五年多嘅夫妻關係，目前佢當單親媽媽獨力照顧兩名囝囝，上節目時又自爆一直受長期便秘困擾，原來已經20年，單親媽咪真係唔容易做！
因髮型師丈夫偷食以致離婚收場。
近日，日本女星小倉優子亮相TBS醫療節目提到自己忙於照顧兩名小朋友冇覺好瞓，又一直受便秘困擾：「我一直希望靠日常生活改善，但我已受便秘困擾20年。」
獨力照顧兩名兒子~
小倉優子話現每日要五點起床，平均睡眠時間只得五小時：「每兩、三小時起床一次為小朋友換片，基本不能熟睡，而在小朋友起床前更預備早餐，然後化妝外出工作。」
小倉優子瞓唔夠，更長期受便秘困擾。
小倉優子指自己一坐底就瞓得着，如亮相會播片嘅節目，都要先飲營養品提起精神。而節目嘅醫生，就話佢便秘係運動不足，睡眠不足亦會引導自主神經紊亂，導致腸胃不適。
（apple daily）
