藝人賴慰玲（Winki）去年底榮升人母，誕下愛子梁進也，她直言每日望住BB都好開心：「佢好得意，會望住我笑，跟住我又笑，我哋都令對方好開心！（BB算唔算易湊？）都易湊嘅，起碼我有得瞓。」
她表示BB性格樂觀外向，最叻是「龍爪手」，相當有好奇心經常到處抓：「佢抓到我損晒，搞到我冇咩好肉，所以要戴手套，但佢識除喎！要捉住佢手同佢玩，分吓佢心。（老公有冇幫手湊？）有呀！佢好好，好在有佢，換片餵奶佢叻過我。（會唔會復工？）其實一直都有做啲簡單工作，之後會放更多時間，會拍番劇同綜藝節目，依家屋企冇請工人，我哋鍾意親力親為，所以要同家人夾時間輪住湊。」
(on.cc東網)
