歌手鍾欣潼（阿嬌）同「醫界男神」賴弘國喺美國時間25號舉行百萬婚禮，場面溫馨感人。依家阿嬌就同老公留喺美國度蜜月，適逢賴弘國今日生日，兩公婆可以喺當地慶祝埋呢個大日子！
賴太阿嬌今日喺社交網上載一張甜到漏嘅婚照，相中嘅佢同老公情深一吻，真係羨煞旁人，阿嬌留言祝福老公：「Happy birthday 」而阿嬌嘅好姊妹蔡卓妍亦即刻留言話：「Happy birthday Mr. Lai」
阿Sa都送上祝福。
而大頭蝦嘅阿嬌又喺微博自爆唔記得老公嘅微博帳號係乜：「生日快樂 一直@錯人 前提是他自己也不知道自己的帳號」網民都留言話賴生賴太都咁大頭蝦，真係夾到爆！阿嬌終於醒覺一直Tag錯老公，但最搞笑嘅係連老公自己都唔知！😄😄😄
阿嬌自爆一直@錯老公！
最好笑係阿嬌老公都唔知自己微博名。
今日係賴弘國生日。
(on.cc)
