鍾欣潼（阿嬌）現身在美國，同老公、即有「醫學界王陽明」賴弘國渡緊蜜月二人世界，新婚期間都不忘關心朋友，當大家期待阿嬌一大堆甜蜜蜜嘅度蜜月相之際，阿嬌一張相一隻字都無寫出嚟，反而發文力撐好友！讓粉絲非常感動，不禁稱讚佢新婚都不忘友情！超有義氣~
佢台灣閨蜜張韶涵又再涉入家庭醜聞，阿嬌結婚同日，佢就畀舅父姜禮樂翻舊帳，指佢未有履行承諾每月付約一萬五千元港幣供養父母同各買一間屋，指摘她無情，仲要佢下跪認錯：「懷胎你10個月，好不容易培養你當歌星，沒買房說買房，沒匯款說有匯錢，有的話我跪，沒有就是你跪！」更揚言張張韶涵不就範，就會用方法毀其事業。
身為張韶涵好友嘅阿嬌，就轉發咗佢上個禮拜一條舊文關於佢嘅舊文，內容講到佢留言轟對佢不滿網民做鍵盤戰士抹黑，阿嬌就留言：「永遠愛你和支持你！給你一個大大的擁抱。」張韶涵fans大為感動，大讚阿嬌新婚都撐好友，「新婚期間謝謝還記得我涵，真的太暖了」、「阿嬌結婚微博上自己啥話都沒說，一上來就給涵打氣，我暴哭」、「Angela有這樣好的朋友，真好」。
（資料圖片）
其實，阿嬌撐老友唔係第一次，早前佢同與范瑋琪（范范）多年恩怨被翻出來，阿嬌當時就以7字回應：「時間會證明一切」，力撐好姊妹。
講番張韶涵，佢喺2000年出道即走紅，當中《親愛的那不是愛情》、《隱形的翅膀》多首歌紅到香港，不過佢名途坎坷，事業走紅時，突然診斷出遺傳性心臟病，要飛去加拿大做手術同停工休養。之後就開始不時爆出家醜，包括有指張母趁張韶涵去咗加拿大醫病，就轉走佢賺嘅2,000萬港元積蓄，又傳張韶涵趕母離家，一連串負面新聞衝著她而來。09年6月，張韶涵接受傳媒訪問，灑淚澄清傳聞，並稱：「母女緣分到了，無法強求。
之後，父母離婚，雙方都指控佢不供養。今年，張韶涵參加大陸歌唱比賽《歌手2018》，翻唱一首冷門歌曲《阿刁》人氣反彈，近日就被舅父爆seed，大呻張張韶涵阿媽要去越南打工謀生，而張爸爸就欠人財務15萬港幣外，仲要做手術坐輪椅。
(apple daily)
