【陳琪生日忙到癲!】大女JJ投訴 細仔嚇到陳琪變晒樣!

    尋日係藝人陳琪44歲生日,喺facebook開live同大家一齊切蛋糕!雖然佢係壽星女,但都係忙唔停,片中嘅佢湊住三個仔女,手口都冇停過,抱完呢個到第二個,又要同大家打招呼,雖然奶奶喺後面幫手抱住個孫「波仔」!

    不過陳琪都係「揦手唔成勢」,吹蠟燭時點足三次,因為要畀仔女輪住吹,切蛋糕時大家又爭住切,「波仔」又係咁郁同攞起把膠刀,嚇到陳琪變晒樣!雖然係咁,但陳琪都好開心,而一直冇出場嘅老公胡諾言就突然現身錫錫,陳琪一面怕醜但就非常冧豬!

    二女胡芷悠同大家打招呼!
    之後佢就到囝囝波仔!
    波仔係咁郁又想攞把膠刀,嚇親阿媽喇!

    到最後時,陳琪打算同大家拜拜時,大女胡芷苓投訴:「我都未出過鏡!」陳琪放低囝囝攬住芷苓同大家傾兩句,完全想像到佢平時照顧仔女係幾咁忙,又要講一句「母親真係好偉大」呀!一班網民都留言祝佢生日快樂,祝福佢哋一家永遠幸福呀!

    陳琪許願時先有一刻寧靜!

    蠟燭要點足三次,因為要畀三個仔女吹!

     

    到大女胡芷苓吹…

    而胡諾言亦喺Instagram上載全家福,一家五口齊齊整整慶祝,真係好溫馨,佢留言:「過了一個不平凡的晚上,因為有妳們!」有網民就發現個蛋糕串錯字,「birthday」冇咗個「h」,不過陳琪就唔介意,因為呢個咁精緻嘅蛋糕係粉絲送㗎!

    老公胡諾言突然現身咀老婆,冧到呢~

     

     

    (on.cc)

    SHARE