阿嬌噚日喺洛杉磯開完婚前派對，成為「台灣媳婦」，遲啲就返港註冊，曾同賴弘國有一段短暫婚姻嘅「華航林依晨」趙筱葳，唔知心情有無受影響呢？
賴弘國同趙筱葳曾喺節目《康熙來了》放閃，二人拍拖2年，於2016年4月結婚，同年10月宣佈離婚，今年傳出賴弘國向阿嬌求婚成功，趙筱葳亦曾於IG寫道「幸福會循環，悲傷也會循環，當我們想要自己愛的人快樂平安幸福時，就要在幸福的循環中盡一點心力」。耐人尋味嘅文章！頗爲贈興！今次再發文……
「華航林依晨」趙筱葳今日喺IG留言：「這次真的是來英國帶小孩的，完全心甘情願，而且這幾天的天氣出奇地好，每天都只想在附近公園走走曬太陽，連英國人都說我們很幸運。」估計佢都係覺得個小朋友可愛先一齊影合照，扮湊「小朋友」，跟手佢又獨自離開倫敦，前往下一個目的地。
原來都喺外國，但就唔係喺美國，而係去英國「帶小孩」，前夫賴弘國近日忙住籌備婚事，前妻趙筱葳先後去咗泰國同日本，近日仲飛埋去倫敦度假。
前妻趙筱葳
剛才賴弘國喺IG貼出噚日一家人嘅合照，再婚後首度貼相，阿嬌、賴弘國、各自父母、伴郎伴娘，佢稱「My family」，阿嬌都有畀like!
(apple daily)
