自爆早前去買嘢時被誤認係袁偉豪，否認後對方又指佢係蕭正楠，事後佢話：「相信因為當時劇中嘅袁偉豪都係留咗鬚，我即時冇買嘢。」
洪永城同譚凱琪今日喺佐敦出席店舖活動，二人即場下廚整甜品，之後互相餵對方試食。洪永城自爆早前去買嘢時被誤認係袁偉豪，否認後對方又指佢係蕭正楠，事後佢話：「相信因為當時劇中嘅袁偉豪都係留咗鬚，我即時冇買嘢。」問佢係咪唔高興，佢笑話：「唔係，相信佢講我係蕭正楠都係講笑，公眾場合我又點會發脾氣呢。」
譚凱琪由細開始已經學煮嘢食，一路長大一路自學，o依家最鍾意煲湯，男友都會係受惠對像：「我煲湯都會邀請佢飲，一個人飲唔晒。」講到一半，佢突然醒起身邊嘅洪永城目前仍然單身，即刻笑言對方孤家寡人，煲湯會預埋佢一份，洪永城即扮可憐話：「係呀，我夜晚都會覺得凍同寂寞。」洪永城話之前拍節目遇到一啲女藝人煮嘢食好叻，覺得如果另一半識煮嘢食嘅人會彌補自己不足。
(蘋果日報)
