阿嬌同賴弘國喺美國婚前party於當地時間中午十二點半，正式開始，三對兄弟同姊妹Joey、阿Sa同Yumiko首先入場，一對新人之後喺浪漫氣氛下慢慢步入會場。
女主角阿嬌穿英國著名婚紗品牌Jenny Packham嘅婚紗，性感剪裁，配上大deep V及一層薄紗，盡顯優雅高貴，新郎哥賴弘國以一身黑色修身西裝加煲呔，相當型格。
進場後，賴弘國首先喺台上多謝親友出席，佢話：「我們是來自不同家庭、文化、背景的人，她工作已經很忙，又很花時間的去跟我維繫這段感情⋯⋯」然後賴弘國一邊講一邊喊：「走到今天這一步……我真的很謝謝她。遇到了對的人，那是甚麼感覺，今天走上來的時候，我就有種感覺……」最後更伏在阿嬌膊頭大哭，「我覺得跟她在一起很開心，謝謝大家。」
阿嬌一開口即咽哽：「我一路都同自己講⋯⋯其實唔係好緊張㗎啫，我覺得我哋呢段感情真係唔容易，因為咁遠嘅距離，但係大家花咁多嘅時間盡量去見面、去維繫，可能我唔係咁成熟，Michael亦都要時間更加去照顧我⋯⋯我哋會好努力咁互相扶持、互相鼓勵。」
(蘋果日報)
