無綫《宮深計2深宮計》成為話題劇，大家討論嘅唔止喺劇中演員演技，或是勾心鬥角嘅劇情，仲有一眾唐朝妃嬪嘅妝容。
飾演王蓁嘅胡定欣，喺多場戲中都出現高低眉而成為焦點。尤其係星期三嗰集，幾乎每一個節位都出現兩邊眉一高一低嘅情況。
其中佢同馬國明單獨對話嗰場戲特別明顥，之後佢吩咐待婢，及與馬浚偉一齊嘅時候都有見到，而嗰場戲連馬浚偉都有少少高低眉。
唔少網民陰謀論覺得，佢哋係畀化妝師整蠱？！
另外，有網民發現定欣成為太子妃後，額頭上嘅花鈿，好似大陸華為嘅Logo極為相似，有人笑說有植入式廣告之嫌。
而睇番定欣近日放上ig 嘟嘴賣萌嘅劇照，又完全唔覺有高低眉問題。
定欣今日接受傳媒訪問時笑言唔關化妝師事，佢話﹕「個妝冇嘢，係我做戲表情時，眉部份肌肉會「戚」起咗，所以變咗角度係高低眉。其實一路以嚟我都知，有遇過呢個問題，一直有留意控制自己嘅面部表情……呢場戲就咁啦。」
(蘋果日報)
