因為外籍同性密友Andi嘅關係，卓林同媽咪吳綺莉嘅關係惡化，卓林同Andi搬咗去北角劏房住，吳綺莉一度因為幾個月搵唔到個女而報警，透過失蹤人口調查組搵卓林啲朋友仔，最後吳綺莉指佢哋有sms聯絡，知道囡囡唔喺香港，暫時住喺朋友屋企。
不過喺上月26日，網上流傳一條片，短片見到卓林同Andi喺加拿大一間超巿買嘢兼向收銀員講：「我想找我爸。」
原來喺卓林同Andi去超市買嘢嘅同一日，佢喺YouTube放咗一條求助影片，介紹紹自己係自己係成龍個女，聲稱自己無家可歸。
前日有《蘋果》讀者陳小姐透過「爆相爆片」發現卓林同女友嘅行蹤，原來佢哋目前身在加拿大安大略省Scarborough，陳小姐話：「我初初仲以為佢哋喺溫哥華嗰邊，點知嗰日喺Warden Ave and Finch Ave交界，佢哋兩個坐咗喺路邊啲樹下食lunch，佢哋兩個好甜蜜同溫馨。」
當日卓林流落加拿大兼網上尋親，陳小姐就話喺華人社區都知。
(蘋果日報)
