歌手鄭俊弘（Fred）與媽媽到北角出席敬老活動大派福袋，同場還有夏春秋夫婦和葉尚華夫婦，非常熱鬧。
Fred自言很尊敬老人家：「好鍾意聽佢哋講故事，我成日迫阿公講佢以前由鄉下搭兩個月船去金山，暈浪就食雪糕，好得意。佢去到金山，原來冇金嘅？咁就去做廚房，但好多種族歧視。」他指阿公由一間房仔捱起，經歷過第二次世界大戰，然後在溫哥華開枝散葉：「咁先畀到咁好嘅環境細路仔，好勁！不過公公走咗囉，我會多啲陪婆婆。」
婆婆冇催婚
至於可有被婆婆催婚？Fred表示沒有，婆婆只是提他護聲不要喝凍飲：「不過依家好熱，唔飲唔得。（婆婆見過你女友何雁詩未？）未有機會，不過婆婆都打算返香港探我家姐嘅小朋友。」
唔知婆婆係咪嚟見Fred個女朋友仔呢？提到這天媽媽在場，Fred笑指對方比自己更忙，經常唱粵曲和去旅行。而後天（26日）他就會飛到馬來西亞宣傳big big channel及《街市遊樂團》，但女友不會同行。
(on.cc東網)
