但無論點樣做去迎合丈夫，仍然達唔到對方「要求」。2013年，佢接受專訪時曾說：「如果兩個人冇共同話題，點樣相處得開心？」
49歲嘅才女梁芷珊喺02年同商人羅傑承於情人節前夕結婚，婚後育有一女，梁芷珊更棄文從商、專心幫老公打理唱片公司同藝人管理部嘅生意，又涉足天水圍飛馬、南華及香港飛馬足球會，成績不俗。在外間眼中，唔少人覺得佢哋夫唱婦隨，稱得上係模範夫婦。
一個係才女，一個係生意人。女方為咗另一半，由才女變女強人，羅傑承亦為對方改變。劇情老土，但兩人卻不似童話王子公主咁樣、以後開開心心生活落去，而係離婚收場。據周刊報道稱，兩人離婚原因，不涉第三者，主要係因為大家性格不合。羅傑承從商，工作狂一名，事事工作至上；梁芷珊較為感性，需要在工作同生活中找到平衡，但無論梁點樣做去迎合丈夫，仍然達唔到對方「要求」。2013年，梁芷珊接受專訪時曾說：「如果兩個人冇共同話題，點樣相處得開心？」
所以羅傑承無論搞足球或者養馬，梁芷珊都會努力去學，希望可以幫到手，但梁芷珊本身要應付嘅工作已經好多，包括兼顧女兒學業，致壓力極大。喺15年開始，梁芷珊突然暴瘦同皮膚變黑，嗰陣有傳佢嘅身體出現問題，不過實情係婚姻有問題，經過多年嚟嘅挽救無效，最終離婚收場。
報道指，去年初羅傑承向梁芷珊提出離婚，之後梁芷珊亦全身而退，不再拈手羅傑承生意，消息指，梁芷珊一直努力挽救婚姻，但至去年中大宅裝修，兩人正式分開，羅傑承先搬走，之後梁芷珊亦搬往四季，不過兩人離婚一事未有張揚，故一直等到去年底，好友發現夫婦倆絕少合體現身，一問之下羅傑承才承認，離婚原因是「大家都累了！」
回復單身後嘅梁芷珊，喺朋友嘅飯局識咗Olivier，喺女兒嘅鼓勵下，梁芷珊重新投入新戀情，狀態比以前還要好。
(蘋果日報)
