每年都可以用星光熠熠嚟形容，去年有宇宙最強甄子丹同冰釋前嫌嘅關之琳出席，而噚晚有唔少圈中人到場，唔少得嘅係好友兼鐵腳嘅靚靚袁詠儀、周汶錡、周麗淇兩姊妹，仲有。。。
現年61歲嘅呂良偉每年同老婆楊小娟大搞生日P，之不過早排忙緊搞生意，所以推遲到噚日先為老婆舉行，噚日喺佛誕加上阿呂係虔誠佛教徒，壽宴主打係齋菜。
每年小娟嘅壽宴都可以用星光熠熠嚟形容，去年有宇宙最強甄子丹同冰釋前嫌嘅關之琳出席，佢哋大展歌喉即席顯唱，而噚晚有唔少圈中人到場，唔少得嘅係好友兼鐵腳嘅靚靚袁詠儀、周汶錡、周麗淇兩姊妹，仲有向華強、陳嵐兩公婆、吳佩慈同男友紀曉波、蔡一智、名人朱沃裕夫婦等。
話晒年齡都係女人嘅最大秘密，所以現場佈置從簡，背幕只係寫住「小娟生日快樂」，在場所有女士都打扮到花枝招展，除咗壽星女小娟之外，最搶鏡嘅就係難得男朋友紀曉波陪住出現嘅吳佩慈。
佢挨住男友影相嘅時候，不忘將手上戴住嘅過千萬鑽戒放上枱，都真係幾反光。聽聞隻鑽戒係紀媽媽送畀吳佩慈，獎佢幫紀家生咗兩仔一女。
(蘋果日報)
