早前有報道指他成為了無綫進擊小花江嘉敏的「獵物」。去年憑《親親我好媽》而上位的江嘉敏（Kaman）與不少合作之男藝人傳出緋聞，繼早前與有老婆和囡囡的王浩信後，就連有個談婚論嫁女友在身邊的黃嘉樂亦不例外，二人早前合作無綫劇《果欄中的江湖大嫂》，因而熟絡，見她每日在個人社交網絡發布和嘉樂日對夜對的攬頭攬頸相片，令到嘉樂「正印」Samantha都要出招，同樣在ig放閃，「宣示主權」！
據Samantha閨蜜向外稱，她原本對男友很有信心，二人拍拖於月初時剛好一周年，嘉樂又稱儲兩年錢便結婚，但兩年時間太多變化，見江嘉敏太進擊才做「跟得女友」，希望對方知難而退。
讚女友大方
黃嘉樂接受東網訪問時坦言覺得報道很好笑，他笑謂：「其實我同女朋友感情非常之好，而我IG其實都成日甫女朋友啲相，不過冇咁密啫！寫到佢咁好鬼慘，我女朋友不知幾大方。」嘉樂坦言他與女友感情相當公開，與江嘉敏亦是好拍檔。
搵相澄清
而Kaman今日於社交網站「還原」被指是二人攬頭攬頸的照片：「為咗出呢個post，我真心用咗15分鐘去搵番呢張相出嚟！但麻煩留意翻（番），人哋呢張相係3個人嘅，唔好cut剩兩個！」相片可見，除江嘉敏及黃嘉樂外，身旁還有馮盈盈。
Kaman接受東網訪問時解釋，照片是上月與劇中一眾演員出席大結局飯局時拍攝，她說：「係舊相嚟，我同黃嘉樂見到報道都覺得好搞笑，佢對女朋友好好㗎。」對於有指黃嘉樂去到哪裏，女友Samantha都跟到實，Kaman指拍攝《果》劇時未有見過Samantha，又指未有感到尷尬及不開心：「都習慣咗，做好自己本份就得。」
黃嘉樂現時於内地拍攝無綫劇集《白色強人》中，對於有指其圈外女友曾於美國秘密結婚。
對此，嘉樂接受東網訪問時坦言：「由頭到尾佢都冇呃過我，每個人都有佢嘅過去，我都有我嘅過去，作為一個男人，唔應該介意咁多。依家我哋一齊開心就夠，沒可能咁大個人一次拖都未拍過，況且佢又唔係圈內人，都係因為我係藝人，佢先要承受呢啲，所以都唔會回應太多！兩個人嘅事，我哋知就足夠，我會繼續努力工作，令佢以後幸福快樂！」
(on.cc東網)
