藝人馬國明及女友黃心穎出席劇集《宮心計2深宮計》首播活動，講到這是兩人的「定情劇」，馬國明冧笑說：「都算係第一次做一對嘅劇！拍呢套劇大家了解多咗，成日對住，又有食飯睇戲。」
心穎最近被拍到豪花120萬買入白色跑車，她承認並表示當獎勵自己。講到去年已換樓，她說：「本身想買車先，但爹哋提議買磚頭先，依家兩樣都買咗，元氣大傷，要重新儲錢。」
早前已買樓的馬國明亦指自己元氣大傷，問到拍拖是否要慳住使？馬國明Man爆說：「唔使！睇戲食飯有限錢！（你有冇坐過心穎架車？）有！（但你唔係第一個坐心穎架車！佢爸爸先係喎！）唔緊要啦！」心穎笑說：「如果爹哋知道自己唔係第一個坐，佢會嬲㗎！」
問到兩人下一步是否結婚？馬國明指仍要「捱騾仔」：「我仲要捱騾仔，好慘，不過女仔不用，捱騾仔留番男仔做比較好。」
(on.cc東網/明報)
