待嫁新娘鍾欣潼（阿嬌）將於5.25（香港時間5.26）喺洛杉磯結婚，嫁給台灣「醫界王陽明」賴弘國，目前阿嬌同好姐妹蔡卓妍（阿Sa）喺美加舉行婚前最後巡唱。
前晚Twins喺洛杉磯站開騷，兩女請咗一位男粉絲上台合唱《死性不改》，男粉絲竟然猴擒想拖阿嬌隻手，準人妻阿嬌嚇到極速縮開，全場尖叫噓爆。
(微博圖片)
當時企喺Twins中間嘅男粉絲，唱唱下歌忽然伸手「狼」手，當正自己同阿嬌好熟咁款，想同阿嬌玩手拖手唱歌，醒目嘅阿嬌即刻避開，將左手收埋喺條腰上面，用揸咪嘅右手遮住自保。
阿嬌窒咗一下….(微博圖片)
男粉絲若無其事繼續自high唱歌，唱完之後仲為自己鼓掌，轉身落台時把握良機同阿Sa握手，終於如圓得償得戚落台。
然後縮開(微博圖片)
之後阿嬌就撒嬌投訴：「佢想拖我隻手！」阿Sa聞言手指指表示：「嘩！我都未拖！」全場爆笑；估唔到呢位男粉絲事後將片段擺上微博炫耀：「想不到可以和偶像twins合唱」網民留言：「真的太好笑了，阿娇避开那一下！」
該名男粉絲都有係微博上載片段。(微博圖片)
(apple daily)
