影帝梁家輝喺圈中向來都係出咗名嘅模範爸爸，一有時間就會陪老婆江嘉年同一對孖女梁穎晨（Chloe）同梁靜禧（Nikkie），一家四口可謂幸福滿瀉！
（資料圖片）
尋日正正就係老婆生日，仲要係佢同老婆結婚31周年，佢就同一對孖女準備咗驚喜同老婆慶祝。Nikkie同Chloe喺社交網上晒咗多張佢哋慶祝嘅相，一對孖女仲親手整咗個蛋糕畀佢哋，相中梁家輝攬實老婆，捉住對方手仔齊齊切蛋糕，又搞笑伸脷想錫錫，認真sweet到暈呀！
仲搞笑伸脷想錫錫添！太太反應…都係好搞笑嘅 😄😄😄
捉手仔切蛋糕先！
認真搞笑！
Nikkie同Chloe除咗大晒佢哋sweet到漏咁切蛋糕外，兩姊妹仲狂晒父母過往恩愛生活同擺江嘉年後生啲相，就連當年結婚擺酒嘅相都貼埋出嚟，可以話呢輯相真係相當珍貴呀！
梁家輝結婚相
其實都幾溫馨吖！絕對值得貼上網分享比大家睇！
(on.cc)
