琴日係520，「我愛你」呢個日子，唔少圈中人都趁機放閃，實行閃爆大家眼球！
另外一對閃爆嘅仲有張晉同埋蔡少芬，蔡少芬咀爆老公，留言話：「昨天是你的生日，親愛的能陪着你過生日，真的太棒了！感恩。。。！愛要大喊出來！」
天王郭富城太太方媛擺出個人照，留言：「520」隔空對老公表達愛意。
隔空放閃又點止方媛一個，藝人苟芸慧未婚夫陸漢洋亦喺網上上載文字截圖，寫上「52099」，相信苟芸慧睇到一定冧爆！
而胡杏兒老公李乘德亦晒出一家合照話：「我的大小寶貝，520快樂」認真溫馨！
仲有向來愛得高調嘅佢哋，莊思明同男友楊明，思明就晒出一張同男友錫錫相，發表愛的宣言：「你嘅出現令我人生更精彩。」仲話愛很簡單。
(on.cc)
